سوآلف البنآت بعد الزوآج .. أحرآآآج ..

سوالف البنات اذا اعرسو
انواع الاحراج

أولاً
تقول وحده:
زياراتها للمطاعم مع اهلها كانت قليله
المهم اول ايام زواجها دخلت مع زوجها المطعم قال زوجها للجرسون جيبلي منيو.. وسألها وش تبين؟ قالت مثلك ابغى منيو
بس تكفى لايحط فلفل
زوجها تسدح من الضحك وهي تقول احسبها وجبه او طبق معين
============ ========= =====
ثانياً
في وحده شعرها دايم يحتاجله سشوار مهو بناعم المهم السشوار اخترب مادري وش صار فيه عاد هي ذكاءها قادها لفكره جهنميه
وش سوت راحت على طاولت الكوي وانسدحت وهاتك يا كوي بهالشعر
وبرضه زوجها سوالها صادوه يوم دخل واختنا في الله تكوي منسجمه
الرجال انهبل على باله تزوج وحده ماهي صاحيه
============ ========= ======

ثالثا

وهذا موقف لوحده بشهر العسل تقول كنت مسافره خارج السعوديه واشتهيت مطعم عربي الله لا يعيدها المهم لقينا مطعم لبناني ورحنا له وحطوا لنا
طبعاا قبل ما نطلب زيتون ومخلل وجا الجرسون واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه
مير تطير الزيتونه وتصقع وجه الجرسون وهو ياخذ الطلبات قام قال عنا في لبنان ناكل الزيتون بايدنا
عاد مير ما اسكت وأنثبر قلت غريبه حنا عنا بالسعوديه نصيدها بالشوكه
وماسكها زوجي علي للحين كل ما شاف زيتون قال هاه بالشوكه والا بيدك خخخخخخخخ
============ ========= ======

رابعا
وحده تقول انا متزوجه ولد عمي و أول ما تزوجنا رحنا بريطانيا منها شهر عسل
ومنها هو عنده دوره المهم تقول مره دخلنا المطعم واخذت المنيو وقعدت اناظر الكلام كله انجليزي
وانا ما اعرف ولا حرف بالانجليزي تقول هو اختار والجرسون واقف عند راسي يحتريني اختار قالي زوجي تبين
اساعدك بالاختيار قلت ليش طايحه من عينك انا اعرف اختار المهم تقول اخترت طلب محطوط في اطار وحركات
قلت اكيد هذا شي حلو وقلت ابي هذا قال زوجي متاكده قلت ايه اصلا من زمان اطلبه لما كنت اطلع مع أهلي
تقول قالها طيب ابشري وهو يضحك ويوم جابوا الطلب هو مكرونه وحركات وانا وجبة أطفال !!
============ ========= =======
خامسا
يقولون فيه وحده تستحي من زوجها بالمرة تضايق الزوج وكلم خواته يكلمونها وكلم أم زوجته كذلك المهم أزعجوها امزحي مع
زوجك أمزحي والعـبي واضحكي معه قالت ما أقدر المهم طولوا عليها بالكلام
وفي مرة من المرات وهي مع زوجها سبقها زوجها بينزل مع الدرج قالت فرصه امزح معه شوي علشانه مايشوفني المهم دفته مع
الدرج الا وهو في آخر الدرج متشقلب وقاعد يون ويصيح من الألم قالها وش فيك كذا جلست البنية تصيح وتقول كله من أهلك
يقولون امزحي معه وهذي آخرتها

============ ========= =========

سادسا
بقولكم اليوم عن وحده اعرفها اول ايام زواجها تقول كنا طالعين واحتجت الحمام مرررررررررره بس مستحيه اقوله وهو شكله
ماعنده نيه يروح لمكان فيه حمامات المهم تقول عجزت اتحمل وجلست افكر باسلوب حلو ما يخرب برستيجي عنده قلت خلاص بقوله
ابغى دورة المياه احسن من كلمة الحمام
تقول وانا ميته من الفشله قلت ابغى اروح لدورة الحمام مادريت الا الرجال يضحك ويقول يا عيني على الاتيكيت
============ ========= ========
سابعا
هذي وحده تقول اول ما تزوجت كنت ادرس وكان يوديني زوجي للجامعه وياخذني
المهم انا جالسه انتظره وكنت واقفه في الشارع واشوفه بعد كم سياره المهم جلست استـناه
يوم وصل عندي وانا امشي بغنج الا واطيح ذيك الطيحه طراااااااااااااااااااااخ
جلست على ألارض ما يشوف الا راسي من عند شباكي جالسه اناظره ولا اتحرك
وكان الشارع مليان رجاجيل وبنات
واركب في السياره وهو ميت من الضحك واجلس اصيح قلت ما تعرف تسمي علي
============ ========= =========
وحده تزوجت وهي ما تعرف الألف من كوز الذره في الطبخ
سألت زوجها حبيبي تحب تتعشى إيه
قال بيض مسلوق
قامت البنت رغي في التليفون مع أمها
يمه الرجال يبي بيض مسلوق كيف تطبخونه
قالت الأم ولا شي حطي البيض في قدر وشوية ماء وبعض الملح وحطي القدر ع النار
البنت لإيه يمه بس وإيش هو إللي يجمد البيض
هههههه
والله حاله

============ ========= =========

وحده جات من القرية

وتركها زوجها ف البيت وراح لشغله
أتصل الزوج على البيت رفعت السماعه القرويه
وقالت ها لحين وين إللي يحطوه في فمهم وين إللي يحطوه في أذنهم
تسدح زوجها في المكتب من الضحك

============ ========= =========

وأخيراً

وحدة تقول اول ما تزوجت طحت عند باب المطبخ وانهبل زوجي وبسم الله عليك سلامتك حياتي
وبعد مرور سنة طاحت بنفس المكان قالها عمى ما تشوفين

هههههههههههههههههههههههههههههههههههههههـ

من الأيميل ..

وحدة تقول اول ما تزوجت طحت عند باب المطبخ وانهبل زوجي وبسم الله عليك سلامتك حياتي
وبعد مرور سنة طاحت بنفس المكان قالها عمى ما تشوفين

هههههههههههههههههههههههههههههههههههههههـ

صدق انه سعودي

هههههههههههههههههههههه

عوافي سمسم

هههههههههههههههههههههه

عوآآافي سمسموووم ع الفرفش ــة

ههههههههههههههههههههـ...


يسلمووو مروركم ..

هههههههههههههههههههههههههههههههههههههههههههههههه
اناقايله من قبل مآلنا الا ابو شكيب
عوافي سمسم اتوقع انك واحد منهم<<<اوت

هههههههههههههههههههههههـ...


أنآ ترآي أبو شكيب .. خخخخخخخخخخ



يسلموووو مرورك ..

يقولون فيه وحده تستحي من زوجها بالمرة تضايق الزوج وكلم خواته يكلمونها وكلم أم زوجته كذلك المهم أزعجوها امزحي مع
زوجك أمزحي والعـبي واضحكي معه قالت ما أقدر المهم طولوا عليها بالكلام
وفي مرة من المرات وهي مع زوجها سبقها زوجها بينزل مع الدرج قالت فرصه امزح معه شوي علشانه مايشوفني المهم دفته مع
الدرج الا وهو في آخر الدرج متشقلب وقاعد يون ويصيح من الألم قالها وش فيك كذا جلست البنية تصيح وتقول كله من أهلك
يقولون امزحي معه وهذي آخرتها



هههههههههههههههههههههههههههههه

عوااافي خيووو

الله يعآفيك ..

و شآكر لك مرورك ..

ههههههههههههههههههههههههههههههههه
هههههههههههههههههههههههههههههههههه
ههههههههههههههههههههههههههههههههههه


اجل لو تشوفون الي عندي وش تقولون

انا دليته الاماكن والمطاعم

والفضيحه لما رحنا نتقضى للبيت قالي من وين ندخل السبرماركت؟؟؟



المسكين اخرته اكتشفته ايام الاعزوبيه من الدوام للبيت ومن البيت لنادي

هههههههههههههههههه
هههههههههههههههه

قالي لا يكون انتي ساكنه الرياض وانا مدري؟؟

هههههههههههههههههههههه

ههههههههههههههههههههههـ..


مآ شآء الله ..



يسلمووووو مرورك ..